Օրհնված է նա, ով սովորել է սովորել:
Մենանդրոս
Հայոց լեզվի և նրա դասավանդման մեթոդիկայի կաբինետը կոչված է լուծելու հետևյալ խնդիրները.
- Օգնել ուսանողներին՝
- մասնագիտական գրականությունից օգտվելու, գրքերի վրա աշխատելու, կոնսպեկտավորելու, իրենց անհրաժեշտ մտքերն ու դրույթները դուրս գրելու և նպատակային օգտագործելու,
- սեմինար և գործնական պարապմունքներին հանգամանորեն նախապատրաստվելու,
- ռեֆերատներ, կուրսային ու դիպլոմային աշխատանքներ գրելու,
- մանկավարժական պրակտիկային նախապատրաստվելու, բաց դասեր ու փոխադարձ դասալսումներ անցկացնելու և քննարկելու,
- նոր պահանջներին համապատասխան օրվա պլան-կոնսպեկտներ, թեմատիկ պլաններ գրելու, դիդակտիկ նյութեր ու զննական պարագաներ նախապատրաստելու,
- մանկավարժական նորություններին ծանոթանալու, նոր լույս տեսած և անհրաժեշտ մասնագիտական գրականություն ձեռք բերելու և այլ հարցերում:
- Ուսանողների մեջ սեր արթնացնել մայրենի լեզվի, մշակույթի նկատմամբ, նպաստել նրանց ստեղծագործական կարողությունների և լեզվական հմտությունների զարգացմանը: Այդ նպատակով հաճախակի կազմակերպվում են.
- ստեղծագործող ուսանողների գործերի քննարկում և վերլուծություն,
- լավագույն բանաստեղծության, պատմվածքի, շարադրության, մեթոդական աշխատության ամենամյա մրցույթ,
- գրական-երաժշտական ցերեկույթներ, հոբելյանական երեկոներ, գրական վիկտորինաներ, ուրախների և հնարամիտների ակումբների ելույթներ,
- հանդիպումներ հանրապետության, Կոտայքի մարզի արվեստագետների, գրողների, մանկավարժ-գիտնականների հետ,
- նոր լույս տեսած դասագրքերի, մանկավարժական-մեթոդական աշխատությունների քննարկում և ցուցադրում,
- նոր կրթակարգով աշխատելու համար դիդակտիկ նյութերի, զննական պարագաների, վարժությունների բնագրերի, գծապատկերների ստեղծում և այլն:
- Ուսանող-մանկավարժների նախապատրաստում նոր՝ 12-ամյա կրթությանն անցնելուն և նրա հաջող իրականացմանը: Այդ նպատակով նախատեսվում են հետևյալ աշխատանքները.
- ծանոթացնել ուսանող-մանկավարժներին նոր կրթակարգի էությանը, նրա առավելություններին ու արդյունավետությանը,
- օգնել պրակտիկանտ-ուսանողներին դասերը վարելու նոր կրթակարգի պահանջներին համապատասխան՝ լայնորեն օգտագործելով դասի արդյունավետության բարձրացմանն ուղղված նոր մոտեցումներն ու մեթոդները, ձևերն ու հնարները:
- տարրական դասարանների մայրենի լեզվի առանձին թեմաների, դասերի մեթոդական մշակումներ նոր մեթոդներով վարելու համար, համապատասխան նյութերի պատրաստում, բաց դասերի անցկացում և քննարկում,
- նոր կրթակարգի անցնելու վերաբերյալ գիտագործնական կոնֆերանսի, հարց ու պատասխանի երեկոների, բանավեճերի անցկացում,
- ուսանողների գրած լավագույն ռեֆերատների, գիտական զեկուցումների, կուրսային և դիպլոմային աշխատանքների, մանկավարժական պրակտիկայի օրագրի, պլան-կոնսպեկտների, թեմատիկ պլանավորումների ցուցադրում և պահպանում: